Оюутан хүү маань хичээлээ тараад CU-н дэлгүүрт ажилладаг. Өчигдөр нэг хүн орж ирээд CU-н хоёр ажилтантай маш бүдүүлэг харьцсан гэж хэлсэн. Тэр үйлчлүүлэгч яаж ч хэлээд ойлгохгүй орилоод загнаад байсан гэнэ. Тэр яриаг нь сонсоод би хүүдээ “Өнөөгийн нийгэмд хүмүүс хэт туйлширсан бас стресст орсон байдаг. Тиймээс өөрсдөөсөө өөр хүмүүсийг шоглох, шоолох, дорд үзэх тохиолдол их гардаг. Тэд заавал муу хүмүүс гэсэн үг биш, тэд зүгээр стрессээ удирдаж чадахгүй л байгаа хүмүүс юм” гэж хэлсэн.

Стресс нь байгалиас заяасан зүйл боловч стресс үүсгэж буй аливаа үйл явдалд хүмүүсийн хариу үйлдэл үзүүлж буй байдал нь бүдүүлэг, дээрэнгүй эсвэл муу хүн мэт харагдуулдаг. Тиймээс, таныг зохисгүй хариу үйлдэл хийхэд хүргэж болзошгүй ийм төлийн стресстэй нөхцөл байдлыг та хэрхэн амжилттайгаар зохицуулах вэ?

Дэйл Карнегигийн “Хэрхэн санаа зовохоо больж, амьдарч эхлэх вэ” номоос гурван зөвлөмжийг энд оруулав.

1. Та чадах бүхнээ хий. Дэйл Карнеги “Идэвхгүй байдал нь эргэлзээ, айдас төрүүлдэг. Үйлдэл нь өөртөө итгэх итгэл, зоригийг төрүүлдэг.” гэж хэлсэн байдаг. Үүнийг “Ямар нэг зүйлийг хийх нь ёстой бол зөв хийх нь чухал” гэсэн эртний зүйр үгтэй хослуулан стрессийг бууруулахын тулд чадах бүхнээ хийж, завгүй ажиллах хэрэгтэйг бидэнд хэлдэг. Та чадах бүхнээ хийвэл амжилт, өөртөө итгэлтэй, зоригтойгоор шагнагдах болно гэдгийг би амьдралынхаа туршид сурсан.

2. Ажилдаа хүсэл тэмүүлэл нэм. Хамаг байдгаараа хичээгээд ч ажил нэг л хэвийн гунигтай бас стресстэй хэвээрээ байх тохиолдол байдаг. Дэйл Карнеги “Хүмүүс хийж байгаа зүйлээ хөгжилтэй өнгөрөөхгүй л бол амжилтад хүрэх нь ховор.” гэж хэлсэн байдаг. Стрессийг багасгахын тулд өдөр бүр хийдэг зүйлээ хөгжилтэй байлгахыг хичээ. Энэ нь хамт ажилладаг хүмүүстээ туслах, үйлчлүүлэгчийн нүүрэнд инээмсэглэл тодруулж өгөх, эсвэл хийх шаардлагатай давтагдах үйлдлүүдээс тоглоом хэлбэрээр хийх зэрэг байж болно. Хамгийн гол нь хөгжилтэй өнгөрөөх нь чухал.

3. Хүмүүсээс талархал бүү хүлээ. Хэрэв та хийсэн зүйл болгондоо талархал хүлээгээд байвал сэтгэл дундуур үлдэх магадлал өндөр. Ихэнх хүмүүс таныг ажлаа хийнэ л гэж хүлээдэг, учир нь тэд танд мөнгө төлдөг. Хэрэв энэ нь таны хувьд стресс үүсгэж байгаа бол жижиг зорилго тавьж, түүндээ хүрэх үедээ өөртөө урамшуулал өгч болох юм. Жишээ нь, кино үзэх, шинэ гутал авах, болзоонд явах гэх мэт. Өөрийгөө шагнаж урамшуулах нь өөрийнхөө шаргуу хөдөлмөрт талархах сайхан арга юм.

Дэйл Карнегигийн хэдэн арван жилийн өмнө бичсэн эдгээр энгийн дүрмийг миний хүү хэрэгжүүлснээр (тиймээ, Дэйл Карнеги өсвөр үеийнхний хөтөлбөрт хамрагдсан) ажилдаа 3 сарын дотор албан тушаал ахиж, цалингаа нэмүүлсэн. Тиймээс талархал хүлээлгүй, урам зоригтойгоор ажлаа хийж чадах хамгийн сайнаараа хийж сургууль, ажил, гэр, олон нийтийн газар өөрийнхөө сэтгэл санааг тайван байлгаарай. Ингэснээр та аз жаргалыг бусдаас хамааралтай бус өөрөө бий болгосноор стрессийг бууруулж чадна.