Удирдах албан тушаал хашиж байгаа үед хамт ажилладаг хүмүүс тань таныг хүндлэх нь маш чухал. Хүндлэл хэзээ ч зүгээр хүрээд ирдэггүй харин өөрөө олж авдаг гэж та сонсож байсан байх. Танай багийн хүмүүс таны ажлын арга барил эсвэл борлуулалт хийх чадварыг тань үнэлдэг хүндэлдэг байж болох юм. Гэвч бусдын хүндлэлийг хүлээнэ гэдэг үнээс илүү өргөн ойлголт юм. Хэрэв та хүнийхээ хувьд тэдний хүндэтгэлийг хүлээж чадвал энэ үнэхээр жинхэнэ утгаараа хүндлэл олж авлаа гэсэн үг. Бусдын хүндлэлийг олж авахад тань туслах 7 зөвлөгөө энд орууллаа.

1. Эелдэг бай.

Өдрийн турш уулзсан үр хүүхэд, хань ижил, хамж ажилладаг хүн болон дэлгүүрийн худалдагч гээд хүн бүхэнтэй эелдэг харьцаарай. Мэдээж хэлэхээс хийх нь хэцүү, ялангуяа санамсаргүй азгүйдэл хэцүүхэн өдөр тохиолдох үед найрсаг байна гэдэг тун бэрх. Та бусдад хүндлэгдэхийг хүсэж байгаатай адил бусад хүн мөн хүндлүүлэхийг хүсдэг. Бусдад авахыг хүсэж буй хүндлэлээ бусдад үзүүлээрэй. Эелдэг байдлаа харуулах боломжийг бүү алдаарай. Кофе шопын үүдэнд ардаа байгаа хүндээ хаалга нээж өгөөрэй эсвэл дэлгүүрийн кассын хажууд нэг ширхэг бараатай хүнийг урдаа оруулаарай. Инээмсэглэ мөн боломж олдох болгонд баярлалаа гэж хэлж байгаарай.

2. Хүндэтгэлтэй бай.

Хэн нэгэнтэй харилцаж байхдаа нүдээ эргэлдүүлэх, утсандаа илүү анхаарал хандуулах эсвэл өөр хүнтэй давхар ярих гэх мэт хүндэтгэлгүй үйлдлүүдийг хийхгүй байхыг хичээгээрэй. Эдгээр үйлдлүүд нь таны харилцаж буй хүнийг үл хүндэтгэсэн мэдрэмж төрүүлэх төдийгүй цаашдын оролцоо, асуудлыг шийдвэрлэхэд саад болж, байнгын болж болох хаалтыг үүсгэдэг. Үүний оронд хүндэтгэлтэйгээр сонсох орчин бий болго. Хэн нэгний санаа, үзэл бодолтой санал нийлэхгүй байсан ч хүн бүрийг сонсох ёстой. Хэрэв танд асуудал тулгарсан үед түүнтэй холбоотой хэлэх зүйл байгаа ч хэлж чадахгүй өнгөрчихвөл ямар байхыг бодож үзээрэй.

3. Сайн сонс.

Бусдыг сонсох гэдэг нь сонсогдож байгаагаасаа илүү хичээл зүтгэл гардаг зүйл юм. Тухайн хүний хэлэх гэж байгаа санааг нь ухаж ойлгоод өөрийн үзэл санаа, бодлоо илэрхийлэх замаар идэвхтэйгээр сонсоорой. Ихэнхдээ нэг хүний хэлсэн үг яриа өөр нэгний бодолдсэдэл төрүүлж тэр хүн нь ижил төстэй тохиолдолдын тухай түүхээ хуваалцдаг. Өөрийн түүхээ ярих гэж яарахаас илүүтэйгээр ярьж буй хүнээс асуулт асууж илүү их яриулаарай. Сонсох чадвараа дадлагажуулан сайжруулсанаар та бусдад чухал гэдгийг нь мэдрүүлэх болно.

4. Тусч бай.

Бусдад туслахад үргэлж бэлэн байдаг, хэрэгтэй үед нь туслаж байсан хүмүүсийг хүндэлдэг. Өмнө нь анзаараагүйгээс туслаж чадаагүй зүйлдаа дараагийн удаа туслахад бэлэн байгаарай. Санаачлагыг гартаа авч тусламж гуйхыг нь хүлээлгүйгээр туслаж байгаарай. Тэгж чадвал та өдөрт бодож байснаасаа олон удаа бусдад тус хүргэж чадна.

5. Бүү шалтаг тооч.

Таны хийсэн бүх л үйлдэл хийсэн сонголт нь дээр тулгуурласан байдаг учир шалтаг тоочих нь утгагүй.  Өөрийнхөө учрыг олж сур. Хэрвээ та хоцорсон бол ихэнхдээ цагаа зөв зохицуулж чадаагүйтэй л холбоотой байдаг. Хэрвээ та ажлаа цагтаа амжуулж дуусгаагүй бол тухайн ажилдаа анхаарлаа хандуулаагүй эсвэл шаардлагагүй зүйлд цагаа зарцуулсантай холбоотой байх магадлалтай. Алдаагаа ухамсарлаж, шалтаг тоочихын оронд тэдгээрийг даван туулах боломжийг эрэлхийлээрэй.

6. Уур хилэнгээ орхи.

Уур хилэнгээ удаан хадгалах нь өөрийн биеийг л зовооно. Түр зуурын уур бол байж болох ч цааш үргэлжлүүлэхгүйгээр тухайн асуудлыг орхиж сурах хэрэгтэй. Ийм нөхцөл байдалд анхаарлаа улам хандуулах нь тус болохгүй. Стресс сэтгэл түгшлийг бий болгодог, цаашлаад эрүүл мэндэд муугаар нөлөөлөх боломжтой гэдгийг санах хэрэгтэй. Хэн ч төгс биш учир хааяа алдаа гаргах нь бий. Алдаа гаргасан гэмшил, сэтгэлийн сөрөг байдлаас гарахын тулд эерэг зорилт тавьж түүндээ төвлөрч бусдыг болон өөрийгөө хөгжүүлээрэй.  Уучил тэгээд март.

7. Өөрчлөгдөхөд бэлэн байгаарай.

Зөрүүд байх нь таныг сайн үр дүнд хөтлөхгүй. Хувьслын үйл явц нь өөрчлөлтийг шаарддаг гэдгийг ойлгоорой. Хувь хүн болж өсөхийн тулд хүчин чармайлт гаргаарай. Жишээ нь шинэ ур чадвар эзэмшиж, шинэ үйл ажиллагаануудыг туршиж үзээрэй мөн автоматаар өөрийн мэдэлгүй хийчихээд байдаг үйлдлүүдээ дахин нэг анзаараарай. Өөрийнхөө илүү сайн хувилбар болох замдаа ахиц дэвшил гаргаж байгаад өөртөө баяр хүргэхээ бүү мартаарай.