Гүйцэтгэл ба өөрчлөлт

Дунд шатны менежер нь удирдлага ба ажилтны дунд ажилладаг боловч, тэдний ажил үүргийн ач холбогдлыг тэр болгон сайшаадаггүй. Тэд олон үүр хариуцлагыг нуруундаа үүрдэг. Баг хамт олноо идэвхжүүлэх, үндсэн зорилготой багийн ажил гүйцэтгэлийг уялдуулах, өдөр тутмын үйл ажиллагааг хянах гээд эдгээр нь эцсийн дүнд байгууллагын урт хугацааны зорилгод шууд хувь нэмэр оруулдаг. Дунд шатны менежер нь удирдах түвшинд очих алхам гэсэн үг биш, энэ бол өөрөө удирдах, манлайлах ажил ба байгууллагын алсын хараа, зорилго амжилттай болох үгүйд шууд нөлөө үзүүлдэг хүн юм.

Гэтэл амжилттай үр дүнгийн хэдэн хувийг дунд шатны менежерт ногдуулдаг вэ? Ажил гүйцэтгэлтэй холбоотой алдаа бүтэлгүйтэл гарахад тэднийг хэр буруутгадаг вэ?

Энэ асуулт бол хариултгүй асуулт юм. Ажиллах орчны хүрээнд бид үүнийг бодож үзэх шаардлагатай болдог. Өөрөөр хэлбэл хэн нэгэн амжилтыг өөртөө тусгаж авах амархан, бүтэлгүйтэлд хэн нэгнийг буруутгах амархан. Агуулгын хүрээнд авч үзвэл амжилт бүтэлгүйтлийг багаар нь авч үзэх нь илүү дээр гэсэн дүгнэлтэд хүргэж байгаа юм.

Суурь түвшинд ямар нэгэн зүйл буруу болоход менежментийг буруутгаж, зөв болоход тэднийг сайшаах амархан Гэхдээ удирдах түвшний зорилго, зорилтыг өдөр тутмын соёл, ажил даалгавар болгодог менежерүүдийг таагүй үр дүнд шууд буруутгах биш харин харилцааны үр дүнтэй байдал, ил тод ойлгомжтой байдлыг эхнээс нь шинжилж үзэх ёстой юм. Менежер хэчнээн сайн ажилласан хэдий ч мессеж эхнээсээ буруу ойлгогдож, дамжсан бол ямар ч алдаа гарах нь дамжиггүй юм.

Үүнийг бодолцож, менежерүүд стратеги хэрэгжилт, баг хамт олноо идэвхжүүлэх, хүмүүсээ удирдах, үр дүнд чиглүүлэх, мэдээллийг дамжуулах, илэрхийлэх зэрэг чухал үүрэг хариуцлагыг үүрдэг хэдий ч тэд ч бас өөрийгөө сайжруулж, хөгжих ёстойг үргэлж ухамсарладаг.

Жишээлбэл, менежер-удирдах түвшнийг авч үзвэл бидний багийн ажиллагааны судалгаанд баг доторх харилцааны түвшинг үнэлж үзвэл удирдах түвшин болон дунд түвшний менежерийн хоорондын харилцаанд уялдаагүй байдал ихээхэн ажиглагддаг ба маш ялгаатай гарч ирдэг.

Дунд шатны менежерүүд стратеги, түүний хэрэгжилтийн гүүр юм бол дээрх асуудал нь маш ноцтой асуудал юм.

2024 онд манай олон улсын судалгааны баг удирдах түвшний ажилтан, дунд шатны менежер, ажилтны хоорондын харилцаанд уялдаагүй байдал үүсдэгийг нотолсон. Харилцааны талаар шинжилж үзэхэд бид тухайн бүлэг бүр харилцааг өөрөөр хардаг нь энэхүү ялгаатай байдлыг үүсгэж байгаа ба удирдах түвшнээс ажилтан хүртэлх харилцааны уялдаатай байдал буурахад нөлөөлдөг аж.

Энэ үр дүн нь байгууллагын хувьд харилцаа нь хамтын ажиллагаа, амжилтын суурь хүчин зүйл учраас томоохон асуудлыг үүсгэж байгаа юм. Хүснэгт 1-д харилцааны хэлбэр, түүний үүрэг хариуцлага хэрхэн буурч байгааг онцолж харуулсан байна. Доорх ялгаа нь статистикийн хувьд ач холбогдол өндөр хэдий ч, энэ үзэгдэл нь санамсаргүй үүсэх боломжгүй билээ.

Уг жишээ нь бидэнд дунд шатны менежер яагаад удирдах түвшний ажилтан болон ажилтны дунд үр дүнтэй ажиллаж чадахгүй, ганцдаг болохыг харуулах болно. Хэдийгээр гаднаас нь харахад ойлгомжтой байгаа хэдий ч энэ хүснэгтээс харилцааны түвшин нь голлох шалтгаан болохыг харж болно.

Түүнчлэн манай саяхан нийтэлсэн “Зөрүүг арилгах нь” нийтлэлд харилцаа нь ажилтны оролцоо, ажлын байрны эргэлтийг урьдчилан таамаглахад голлох хүчин зүйл болдог болохыг дурдсан.

Илгээгч, хүлээн авагчийн хоорондын харилцаа нь үр дүнтэй харилцааны эргэлтийг үүсгэдэг, хэрвээ бүх талууд үр дүнгээ нэгдмэл байдлаар ойлгож чадвал уг ялгаатай байдал үүсэхгүй.

Энд нэг асуулт бий болж байна: Голлох үүргийн хүрээнд дунд шатны менежерүүдэд энэ амжилтад хүрэх хангалттай сургалт, дэмжлэгийг өгч чаддаг уу? Байгууллага үр дүнтэй харилцааны үйл явцад зөвхөн удирдах түвшинд анхаарал хандуулдаг уу?

Мэдээж хэрэг удирдах түвшний ажилтан үр дүнтэй харилцагч, илтгэгч байх хэрэгтэй. Бид үүнийг няцаах гэсэн юм биш. Харин манай сүүлийн үеийн судалгаагаар удирдах түвшний ажилтан болон дунд шатны менежерийг харьцуулж үзвэл удирдах түвшний ажилтан сүүлийн 3 жилийн хугацаанд хамгийн их харилцааны сургалт авсан байдаг.

Гэтэл удирдах түвшний ажилтан ихэнх сургалтыг аваад байгаа хэдий ч ирээдүйн ажлын топ чадварт дунд шатны менежер болон ажилтны хамгийн чухал софт чадвар харилцааны чадвар гэж гарсан. Энэ нь удирдах түвшний ажилтныхаас илүү ач холбогдолтой юм.

Тиймээс бид удирдах түвшний ажилтанд сургалт өгөх нь чухал хэдий ч, үүнийг мэдээ мэдээллийг хүлээн авч, цаашид дамжуулах үүрэгтэй дунд шатны менежерт олгох нь ч бас чухал юм.