Прагматик оролцоо

Байгууллага, байгууллагын соёл бүр онцгой хэдий ч Дэйл Карнегийн туршлагаар манлайллын гурван цөм чадвар нь оролцоог нэмэгдүүлэх хүчтэй, амжилттай мэргэжлийн харилцааг бий болгоход хүргэдэг гэж үзэж байна. Чадвар тус бүр нь манлайллын хэсэгт зориудаар үүрэг гүйцэтгэдэг ба энгийн нэг ажлын өдрийг өдөр тутмын ажил үүрэг, уулзалт хэлэлцүүлэг болгон задалж болдог.

Нэгдүгээрт, харилцаанд чиглэсэн удирдлага – Энэ сэтгэлгээ нь оролцоог өдөөх цөм юм. Ажилтнуудаа үнэ цэнтэй, итгэлтэй, эрх мэдэлтэй, бусад харилцаа холбоотой гэдгийг мэдрүүлэхийн тулд удирдлага тэдний асуудал сонирхолд үнэн сэтгэлээсээ анхаарал хандуулах шаардлагатай. Доорх 6 үндсэн практик нь харилцаанд чиглэсэн манлайлалд чухал үүрэгтэй:

• Өсөж хөгжих боломж бүрдүүлэх – Байгууллагын зорилготойгоо уялдуулан тогтмол дэмжлэг, урам зориг өгөх
• Ментор ба көүч – Эерэг, зохистой зан авирыг үлгэрлэж, тогтмол көүч, зөвлөгөө олгох
• Ажилтнууддаа нетворкын боломж олгох – Танилцуулга хийж, танигдах боломж бий болгох, ажилтнуудаа бусадтай хамтрахад идэвхжүүлэх, харилцаа холбооны боломж ашиглах
• Саад бэрхшээлийг арилгах, нөөц бололцоо өгөх – Карьерын зорилгод нь дэмжих, саад бэрхшээлийг арилгахад туслах, амжилт гаргах боломж олгох
• Үр дүнтэй ажиллахад нь хариуцлага хүлээх – Өндөр хүлээлт тавих, хүлээлтээс давсан тохиолдолд хичээл зүтгэлийг нь үнэлэх
• Анхаарал тавьж буйгаа харуулах – Ажилтнуудынхаа сайн сайхан байдал, эрүүл мэндэд ач холбогдол үзүүлэх, үнэн сэтгэлээсээ анхаарал хандуулах

Хоёрдугаарт – Багийн гишүүн бүртэй тогтмол оролцооны талаар харилцан яриа үүсгэх. Үүний зорилго нь албан бус харилцан яриагаар дамжуулан ажилтнуудаа мэдэх, тэдний авьяас чадвар, хүсэл сонирхол, санаа зовнилыг мэдэх. Ихэнх ажилтнууд шууд удирдлагаа өөрийг нь сонсдог, ажлын талаар болон ажлаас гадуурх амьдралыг нь хүндэлж, анхаардаг гэдгийг мэдрэхийг хүсдэг. Хүн бүрийн карьерын зорилго ялгаатай ба тэднийг идэвхжүүлдэг хүчин зүйлс ч бас ялгаатай юм. Ганц бие ээж, аав магадгүй тогтвортой аюулгүй ажлын байранд илүү ач холбогдол тавьдаг бол, амбиц өндөртэй шинэ төгсөгч өсч дэвших шинэ туршлага, боломжийг илүүд үзэх байх. Ухаалаг удирдлага ажилтнуудынхаа энэхүү ялгаа бүрийг таньж, хүндэлж, хариу үйлдэл үзүүлдэг.

Сайн сонсох чадварын хамтаар утга учир ихтэй харилцан яриаг эхлүүлэхэд доорх асуултууд тусална

• Ажилдаа хамгийн сайн хийж чаддаг зүйлс юу вэ?
• Ажил, хувийн амьдралд хүсэл тэмүүлэл өндөртэй зүйлс нь юу вэ?
• Ажлаа гүйцэтгэхэд хэцүү болгодог зүйлс юу вэ?
• Сүүлийн үед хамгийн их бахархмаар хийсэн зүйл юу вэ?
• Ажилд нь хамгийн их сэтгэл ханамж бий болгох боломж юу вэ?
• Юу хамгийн их идэвхжүүлдэг вэ? Яаж шагнуулах дуртай вэ?

Гуравдугаарт, ажилтнуудын өөртөө итгэх итгэлийг нэмэгдүүлж тэдний ажлаараа бахархан сэтгэлийг өдөөхөд өөрөө хувь нэмрээ оруулах. Ажилтнууд өөрийн байгууллагад оруулж буй хувь нэмрээ шууд удирдлагаас ирж буй үнэлгээгээр дамжуулан мэдэрдэг. Тэдний хичээл зүтгэлд талархаж буйгаа харуулах нь удирдлагын чадварын чухал хэсгээс гадна оролцоог нэмэгдүүлэх өдөр тутмын хичээл зүтгэлийн нэг хэсэг юм.

Доорх дөрвөн элемент нь талархал, сайшаалыг илүү утга учиртай болгоход тусална

• Сайшаал – Үнэн сэтгэлээсээ сайшааж буйгаа илэрхийлэх. Энэ ажигласан үйлдэл, үнэт зүйл, амжилт, ололт, чанар, шинэ чанарууд дээр суурилсан байх ёстой.
• Жишээ – Сайшааж буй зүйлээ жишээгээр баяжуулах
• Агуулга – Тухайн үйлдэл нь хэрхэн баг хамт олон, байгууллага, төсөл, ажилтанд тусалсан болохыг тайлбарлах
• Бэхжүүлэх – Тухайн ажилтны уг үйлдэл, чанар нь ирээдүйд хэрхэн сайжирч болохыг тайлбарлаж, зөвлөх, чиглэл өгөх

Дүгнэлт

Оролцоог нэмэгдүүлэх хүчин зүйлс нь удирдлагын зүгээс итгэлцэл бий болгох харилцааны чадвар, сэтгэл зүйн хувьд аюулгүй ажиллах орчныг бүрдүүлэх, үнэн сэтгэлээсээ талархах, хүндлэлээ илэрхийлэх юм. Энэ чадварыг амархан хөгжүүлэх боломжгүй олон алдартай манлайлагчид ажилтнуудын оролцоог нэмэгдүүлэхэд хэрэгтэй боломжууд буюу байгууллагаас дэмжих, тэдний өөртөө итгэх итгэл, мэдлэг чадварыг нэмэгдүүлэх боломжийг алгасах хандлагатай байдаг. Албан албан бус хүмүүс хоорондын харилцааны зарчимд суралцсанаар удирдлагууд оролцоог бий болгох, хадгалах, ажилтнуудад, өөртөө, байгууллагадаа үр дүн авчрахад туслах юм.