Энэхүү ном анх 1949 онд хэвлэгдсэнээсээ хойш нийт 39 хэл дээр 8 сая хувь хэвлэгджээ. Дэйл Карнеги анх номоо бичихдээ томьёолсон аргууд, амьдралд ойр, бодит үр дүнтэй сургалтууд нь орчин үед ч хүмүүст хүчтэй нөлөөлсөөр байна. 

Карнеги энэ номоороо хүмүүс бид сэтгэл зовнилыг өөгшүүлж, түүгээр амьдралаа удирдуулснаар ямар их төлөөс төлж байгааг сануулсан юм. Сэтгэл зовнил бол бидний эрч хүч, саруул ухааныг баллаж, хүсэл зоригийг мохоодог. Үүгээр ч зогсохгүй бидний оюун санаа болон эрүүл мэндэд сөргөөр нөлөөлдөг. 

Дэйл Карнеги санаа зовох зуршлыг арилгаж болдгийг энэхүү номоороо баталсан юм. Тэрээр амьдралын өөр хэв маяг бүхий сая сая хүмүүст эергээр нөлөөлж чадсан, амьдралдаа хэрэгжүүлж эхэлмэгц насан туршдаа ашиг тусыг нь амсаж болохуйц гайхалтай арга барилыг санал болгож байна.