Харилцаа бол итгэлцлийн үр дүн болон хөдөлгөгч хүчин зүйл

Итгэлцэл нь тогтвортой нийгмийн болон эдийн засгийн харилцааг үүсгэгч бөгөөд хадгалагч чухал хүчин зүйл юм. Итгэлцлийн зарим түвшинд эерэг харилцаа бий болгох шаардлагатай байдаг ба энэ харилцаа нь цаг хугацааны туршид өсөж хөгжих тусам итгэлцлийг улам бэхжүүлж эцсийн үр дүнд бие даадаг.

Итгэлцлээс цаашид харилцаа нь хоёр талын тууштай байдал, харилцааг хадгалж үлдэхэд богино хугацааны золиос гаргах хүсэл эрмэлзлийг шаарддаг. Харилцаан хөрөнгө оруулж, харилцааны тогтвортой байдалд итгэл бий болгох нь эерэг харилцааг бий болгох чухал алхмууд юм.

Үүний үр дүнд, эерэг харилцаа нь хувь хүний тууштай байдлыг бий болгогдог ба энэ нь итгэлцэл нь харилцааг улам бэхжүүлж өгөхөөс гадна харилцагч энэ харилцаанд илүү өндөр үнэ цэн өгдөг. Урт хугацаанд харилцагч бусадтай шинэ харилцаа үүсгэх эрсдэлээс илүүтэй одоо байгаа харилцаагаа хадгалж үлдэхийг эрмэлздэг.

Гэсэн хэдий ч харилцагчийн харилцааны талаарх үзэх санаа нь заримдаа парадокс үүсгэх тал бий. Ерөнхийд нь тайлбарлавал харилцагчаас шууд борлуулалтын ажилтантай харилцаа хэр чухал вэ гэж асуух юм бол тэд биет шинж чанараар харьцуулагдах хэмжээний хангалттай үнэлгээ өгч чадахгүй. Жишээлбэл, манай судалгаанд оролцогчдын ердөө 24% нь л өөрсдийн төгс борлуулалтын ажилтныг дүрслэхэд гурван топ шинж чанарын нэг болох “гүнзгий харилцаа бий болгох” сонголтыг сонгосон. Ихэнх хүмүүсийн хувьд эерэг харилцааг бий болгоход биет шинж чанаруудыг сонгож байснаас дурдвал борлуулалтын ажилтны мэдлэг, нөхөрсөг байдал, ажил хэрэгч байдал болон тэдний хэрэгцээнд үнэн сэтгэлээсээ сонирхлоо илэрхийлэх байдлыг сонгож байсан юм.

Түүнчлэн тэд борлуулалтын ажилтантай үүсгэх харилцаанд “чухал”, “маш чухал” гэж үзсэн хүчин зүйлд: “Миний хэрэгцээг ойлгохын тулд сайн сонсох” (84%), “Миний цаг хугацааг хүндлэх” (81%), “Асуудлыг миний өмнөөс шийдэж өгөх” (76%), “Би түүнд итгэдэг” (73%).

Дээрх судалгаанд оролцогчид бидэнд мөн харилцаанд ач холбогдол багатай хүчин зүйлсийг бас танихад тусалсан. Цөөн хэдэн оролцогч л “хувийн сонирхлоо хуваалцах” (37%) эсвэл “холбоотой байхын тулд тогтмол харилцах” (41%) нь чухал гүнзгий харилцаа үүсгэхэд чухал гэж хэлсэн. Энэ нь бидний судалгаанд хувийн болон мэргэжлийн харилцааны хоорондын ялгааг танихад тусалсан юм. Энэ хоёр нь хоёулаа чухал боловч хувийн харилцааны хувьд дундын сонирхол, туршлагатай байгаа үед харилцаа холбоо улам бэхжих боломжтой боловч худалдан авагч – борлуулагч хоёрын хоорондын итгэлцлийг бий болгоход хангалттай биш юм. Борлуулалтын ажилтны чадамж, өөртөө итгэх итгэл, үнэт зүйл, урт хугацааны итгэлцэл бүтээхэд шаардлагатай харилцааг чиглүүлдэг нь бизнесийн буюу мэргэжлийн харилцаа юм.